【ApplePay登港】想取消交易点算？去旅行都可以用？付款奇难杂症Q&A

今日 Apple Pay 正式可以用，不过阁下系第一日已经率先试用，定抱住睇定啲慨心态谂住等多两日先，不妨睇下以下十大常见问题，有冇解决到你慨满腹疑团。

Q：点解我加唔到卡？
A：好有可能你部机设定咗去其他未有 Apple Pay 的国家，如台湾，进入“设定＞一般＞语言与地区”，将“地区”设定为“中华人民共和国香港特别行政区”就可以。

Q：畀完钱发觉有问题想取消交易可以点做？
A：你需要出示实体信用卡向商户办理退款手续，为认证身份，商户可能会要求用户提供登记每张信用卡时 Apple 独立分配的装置账户号码最后四位数字，只要在 Wallet 中点选信用卡，再点选右下角的“i”查看资料，就可以找到装置账户号码。

Q：每次交易有冇上限？
A：交易上限视乎商户收款终端机，部分上限设为 $500 至 $1,000；部分则不设上限，换言之交易上限按用户信用卡的信用限额而定。如有需要，交易前可以向商户查询，最稳阵当然系带埋张实体信用卡喺身，用唔到 Apple Pay 时都有后备。Apple Pay 支援商户一览按此。

Q：系咪得卡主 1 个可以用 Apple Pay？
A：理论上每个已经登记指纹的人，都可以用你部手机透过 Apple Pay 碌到阁下张信用卡，所以唔好乱咁畀女朋友 / 仔女拎部手机去玩呀。

Q：去旅行仲用唔用到 Apple Pay？
A：可以，Apple Pay 采用近场通讯而无需网络，只要海外商店设有 Visa payWave 或 MasterCard 感应式付款终端机，阁下就可以照样使用 Apple Pay，原理就如同旅行时签信用卡一样。同样，稳阵起见都系袋埋实体卡好啲。

Q：Jail Break 咗慨机可唔可以用 Apple Pay？
A：不可以，Apple Pay 只支援原装未 Jail Break 慨装置，支援机种一览表可按此。

Q：想换机 / 维修装置，使唔使重设 Apple Pay？
A：重设装置的话，所有储存在 Apple Pay 资讯会重部移除，需要重新再登记信用卡资料。将 iPhone 送交第三方前，最好先在 Wallet 点按右下角的“i”，选取“移除付款卡”；或于“设定>Wallet 与 Apple Pay”页面中，选取您想移除的信用卡，确认已经移除所有信用卡资料。

Q：Apple Pay内咁多张信用卡，预设边张信用卡付款？
A：第一张加入 Wallet 的信用卡，就会成为预设卡，自动预设付款（上图为例，预设卡就系汇丰）。想改变预设卡，可按住信用卡并拉到所有卡的最前面；或者到“设定>Wallet 与 Apple Pay”页面中，点选“预设卡”，再选取信用卡。加卡教学可按此。

Q：唔见咗信用卡仲用唔用到 Apple Pay？
A：遗失信用卡当然即时要打电话到银行报失，已报失的信用卡将不能再连结或使用 Apple Pay功能，唔使担心。

Q：信用卡到期，银行寄咗张新卡嚟，使唔使更新 Apple Pay资料？
A：不需要，启动信用卡替换卡后，Apple Pay 会自动一并登记。

Q：附属卡可唔可以登记 Apple Pay？
A：可以，附属卡持卡人登记后，主卡卡主同附属卡持卡人都会收到电邮通知，阿仔阿女都可以自己享受用 iPhone 买嘢。

Q：如果唔见咗部 iPhone / iPad，会唔会畀人盗用 Apple Pay？
A：请参阅这里。

Q：可唔可以查看信用卡交易记录？
A：你可以像一般信用卡网上理财一样，透过银行网站或银行专用 App 才阅览交易纪录，也可以参阅这里。