WWDC16vsIO16

消息来源:baojiabao.com 作者: 发布时间：2026-05-11

报价宝综合消息WWDC16vsIO16

继上个月去咗 Google I/O 之后，上个礼拜笔者又去咗 Apple WWDC，同 I/O 一样，今次系笔者首次参与WWDC，估唔到一系唔去，一系就一个月内去晒两个开发者大会，确实大开眼界，感觉充实之余，老实讲⋯⋯都几攰吓！家阵笔者系争 Microsoft Build 未参与过，睇吓出年有无机会啦！

WWDC 出慨新嘢请睇内文，笔者反而想讲吓去完 WWDC 同 I/O 慨感觉。个人主观觉得今次 I/O 响户外场地搞（以往绝大多数响室内），地方好大，会场布局好有嘉年华慨气氛，感觉好 Free 好舒服，但要日晒雨淋，除咗比 Developer 慨 Talk，现场亦有好多 Demo 可以同开发者边试边玩边倾；至于 WWDC 慨模式较传统，除咗 Keynote，WWDC 会场（Moscone West）入面主要都系比开发者慨“教学”，笔者慨可参与程度就不及 I/O。

至于 Apple 今次 Focus 晒响各个 OS 平台之上，好多人都将焦点放响 iOS 10，仲话 Apple 今次将好多人哋已经有慨嘢“放”咗落 iOS 度，甚至有人话系“抄袭”，仲特登大造文章嚟个对照话系自已出先，如果理解成为边个出先就系正货，其他就系“抄袭”呢个道理慨话，试问家阵有边个唔系抄 iPhone 慨模式呢？笔者唔会偏帮任何一边，亦觉得“人有我有”无咩大不了，唔通我哋有女版主先，人哋又整个女版主出嚟就系抄袭咩！咁极其量只系跟风，亦证明呢样嘢系 Work 慨，同埋大家都受慨咪得啰！做好佢、做大佢，大家都有好处！起码对开发者嚟讲系好事。

相比起嗰啲上市公司慨话事人，竟然话“假货质素比真货好”，仲话买/卖假嘢实属正常、系理所当然咁，将歪理扭曲到变真理，仲讲到理直气壮、系为大家好咁样，正正当当咁“人有我有”点都好过“舢舨充炮艇”！真心想问点解会有咁多呢啲埋没良心、只顾利益慨人上到高位，然后要比佢哋去蚕食、摧毁我哋呢个原本正常慨世界？

2017-12-28 16:50:00