【Facebook监听风云】5招秘技提高隐私过滤广告

寻日《PCM》报道过，有外国媒体报道指 Facebook 会透过用户手机麦克风监听，从而收集资讯了解用户喜好，投其所好推送广告。报道引起广泛关注，大众关注社交网络巨头会否利用渗透力及技术侵犯用户隐私。对此 Facebook 方面澄清，指出功能只会于用户同意的情况下才撷取麦克风，又指不会利用手机麦克风得到的内容向用户提供广告，或改变动态消息内容；广告是根据用户的个人兴趣及个人资料简介而显示。

Facebook 方面发表声明，指会在得到用户允许，并在用户主动使用语音功能的 App 时，才会撷取麦克风。两年前 Facebook 亦新增一项功能，用户打卡时可以选择允许 Facebook 利用手机麦克风，自行辨识用户欣赏紧慨音乐、电视或电影，更新近况。

不过，无论如何，Facebook 收集个人资讯去推送广告呢点都系不容忽视。正如官方声明中所言，Facebook 系透过阁下慨兴趣同个人资料发放广告，咁点样保护个人隐私呢？

首先，Facebook 讲到明，广告一定有，数量一样多，冇得拣唔睇。唔好以为你喺 Facebook 掌管范围内慨活动先会影响到广告内容，假设你睇过一个旅游网站，用过订房App，Facebook一样可以追踪到，从而推送相关广告。不过，你有得拣畀唔畀 Facebook “根据你的兴趣”去发放广告，同埋根据边啲兴趣。

1. 喺Facebook Settings > Ads，可以选择拒绝 Facebook 及网上广告根据阁下慨兴趣显示，设定会应用到手机版同网页版。阁下仲可以进阶设定唔同手机 App、网页版唔同浏览器等等有边啲公司系根据兴趣提供广告，个别 Opt Out 停止显示。

2. 留意第二个选项中提到，当公司向 Facebook 买广告时，系可以根据用户慨兴趣资料，喺 Facebook 以外慨 App 同网站中向用户显示广告。阁下可以选择唔畀呢啲公司得到你慨兴趣资料去卖广告，不过广告依然有，只系会换成根据性别、年龄、位置、网站内容、网上活动等去显示。

3. 平时喺 Timeline 成日见到朋友 Like 咗咩 Post 咩 Page 可能都觉得有啲烦，依家都可以选择唔显示畀朋友，呢个咁好慨 Setting一定要教识埋朋友啦喂。

4. 既然系唔系都要睇广告，其实都可以选择睇咩广告。正如前文所讲，你所有活动都可能构成 Facebook 广告元素，搞到广告“立立集集”，Click 呢度就可以自行整理，增减兴趣，睇广告都睇得受落啲咁。

5. 以上都系喺 Facebook 度设定限制佢截取阁下活动资讯去显示广告，不过手机运作系统度设定都一样有基本限制广告追踪慨功能。iOS 用户可以选择 Settings > Privacy > Advertising > Limit Ad Tracking，Android 用户则可以去到 Settings > Accounts & sync > Google > Ads > Opt out of interest-based ads，大家可以 Check 一 Check 呢项功能有冇开启，保护自己唔畀 App 利用个人兴趣资料卖广告。