美游系列写意的Office

消息来源:baojiabao.com 作者: 发布时间：2026-05-10

报价宝综合消息美游系列写意的Office

笔者去咗美国睇 Google I/O 开发者大会，当然有嘢可以响呢度分享吓啦！话时话，笔者响呢行咁耐，都去过好多外地慨 Show，不过 Google I/O 就真系第一次参与，之前都系其他同事去，所以兴奋又新鲜。之但系今次响户外举行，就算 Google 好贴心咁派咗头巾、黑超同太阳油比大家，笔者都系晒黑晒返嚟。其实以往 Google I/O 都系响室内举行，唔使担心去完会变“涩谷流”，不过笔者都几 Enjoy 呢种玩法，系有啲晒又有汗出吓咁，但够晒健康！

同事话每次去 Googl e I /O，都会去 Google 慨 Campus，今次梗系唔例外，笔者终于有机会见识到做 Google 慨员工有几正、有几“C 服”，原来唔使等放假都可以好“C 服”慨！话说第一日做完朝早慨 Interview 后，就去 Google Bldg 43 食晏，途经就见到一个沙滩排球场，仲有人响度打紧沙排 2vs2，嗰一刻笔者不知几咁想冲落去一齐打，奈何我唔系 Google 员工…呢个唔系重点，而系我无带衫换呀！

笔者第一次去 Google I/O，就咁啱系全户外，实行晒黑啲、健康啲！

另外，因为今次有好多 Interview 要穿梭 I/O 会场同 Campus，而且系去 Campus 唔同慨地方，去其他 Bldg 时，都会见到有好多设施，好似乒乓波台、游戏机等等，仲有得弹吓钢琴咁，食晏时间见到好多人做 Gym，放工时间又会跑吓步、踩吓车，等员工有一种好写意慨感觉，唔会有咩压力咁，轻松得嚟又健康，做起嘢嚟啲转数都快啲啦！

睇完 Google Campus，不其然谂起我哋都啱啱搬咗 Office，咁当然……系无得比啦，如果第时可以扩充到好似 Google Campus 咁……就真系发紧梦啰你！

2017-12-28 22:00:00