【背住18kg连行四个钟】用脚行出嚟慨Google街景

消息来源:baojiabao.com 作者: 发布时间：2026-05-10

报价宝综合消息【背住18kg连行四个钟】用脚行出嚟慨Google街景

讲起 Google 地图，大家可能都会谂起 Google 街景车，连警察做嘢想掩饰身份都要扮佢就知有几深入民心啦！不过，自细读书都有教，香港山多平地少，唔系度度都可以揸住街景车到达，咁世界上其他山旯旮（音：卡啦）慨角落又点样影低全景，制作成大家喺 Google 地图上见到慨 360 度街道景观呢？就等 Google 街景计划作业员 Raf 亲自为大家解说啦。

Google 街景计划作业员 Raf。

原来除咗大家熟悉慨街景车，Google 街景“车队”仲有好多款，包括街景背囊、街景手推车、街景雪地摩托车同街景三轮车。香港目前会用街景车及街景手推车去拍摄大街及道路，甚至博物馆内的展品；而山路、楼梯及窄巷等等，则会由专人背上街景背包去拍摄。

Raf 作品包括香港各处特色楼梯。

如果要上山影 Google 街景，连埋上山落山可能需要花上 4 小时。

外表阳光慨 Raf 正正就系专门负责背住街景背包拍摄街景，香港唔少地方都都有留下 Raf 慨脚毛，包括昂坪栈道、麦理浩径第八段、中环美利道旋转楼梯、石板街、沙田万佛寺等等。街景背包重约 18kg，高120cm，由电池及 15 组 500 万像素的镜头组成，由Android 手机控制，电池充电后可用约6至8小时。每次 Raf 都背住重 18kg 慨街景背包去影相，如果上山落山要行差不多三至四个钟，睇佢即场示范行楼梯好似相当轻松，但其实都几讲求体能。

Raf 背住 18kg 慨街景背包走过几十级楼梯，依然面不红气不喘。

“街景背包会自动每 2.5 秒拍摄一次，所以我只要保持稳定步速就得，难度唔高。Google 方面会后期再执相，例如执走拼合唔到慨人、车，再将相片串连成 7,500万像素慨 360 度全景相。”咁拍摄时又有冇咩特别难忘慨经历？“有试过喺山畀狗追啰，不过好彩有带行山杖，可以赶走野狗，唔使好似拍戏咁背住十几公斤装备跑。”