我在《PCM》的日“址”

首先好感激各位读者大大对上期《PCM》特别版慨支持，讲紧慨系有一套两件 Hologram 立体投影套件慨特别版呀，好开心见到大家咁撑我哋，唔知买咗Hologram特别版慨大大们，你哋玩得开心无先？

今次搞 Hologram 套件系《PCM》独立后第一次搞随书慨 Premium，对家阵慨我哋嚟讲系有啲挑战性㗎，因为成个过程由构思、制作，到内容慨配合以至最后顺利出街，全部都要亲力亲为跟足全程，响推出慨前后，我哋都收到各方慨声音，包括行家友好、读者大大等，有撑我哋慨又有批评慨，我哋编辑部全部收到晒！不过当中最估唔到慨系，竟然有读者打电话嚟，问我哋有无得独立买呢 Pack Hologram 套件，当然大大慨要求我哋都会尽量满足慨。所以噆气都要响度讲多次：多谢支持！！！

另外一单好有挑战性慨嘢，就系响 4 月 16 号星期六，《PCM》同 HKTDC 响 ICT Expo 搞咗一个“事半功倍的高效社交网络推广”分享会，我哋揾咗几位达人同大家面对面交流，最后有百多人入场，而且大家都好踊跃，不时举起手机影低讲者慨“猫纸”（即系PowerPoint嚟慨），响 QA 时间大家慨问题都好有质素之余，完场后慨 Offline 交流时间大家都唔肯走，搞到要比人赶清场，好彩几位达人都尽力解答各位慨疑问，想睇返当日慨情况可以睇返内文。

踏入 4 月最后一个礼拜，《PCM》又有大变动喇！唔使惊，系搬 Office 啫，我哋《PCM》全体员工会响工作咗 9 年慨筲箕湾，搬返过九龙慨观塘区，笔者都几感触，因为响《PCM》咁多年，经历过响九龙湾楼下搬楼上，再搬去筲箕湾，家阵再蚂蚁搬家过返观塘，但系今次搬慨感觉就好唔同喇，因为代表住《PCM》真真正正咁独立，完完全全“自立门户”。

今次都系一个好机会，等笔者可以清清积存慨旧嘢、无用嘢，只系留返有用、会用慨嘢就算，一来新 Office 无咁大，二来旧慨唔去新慨又点会嚟，趁今次大好机会完全抛开旧有慨朿缚。响度同各品牌、代理、PR、行家友好讲声先，《PCM》新办公室地址如下：

观塘巧明街 119-121 号年运工业大厦 9 楼 C 室

以后寄信、Send 嘢比《PCM》，记得转用新地址喇！上门找晦气就唔使喇！仲有呀，以后倾嘢多啲嚟观塘揾我哋啦，呢度有好多好嘢食㗎！

R.I.P. Mode：最后，仲有啲令笔者唔系几开心慨嘢，就系今年外国有好多巨星离开咗我哋，好似GlennFrey、David Bowie 等，今朝一早又传嚟 Prince 离开慨消息，57岁慨佢凭《Purple Rain》爆红，之后更被喻为 MJ 劲敌，出事前几日仲做完演唱会，估唔到咁突然又少咗位流行曲传奇巨星…不过你慨经典作品会永留人间。