生番！！

消息来源:baojiabao.com 作者: 发布时间：2026-05-09

报价宝综合消息生番！！

“快啲返屋企睇电视先！”

“睇埋个节目先走呀！”

呢啲追睇电视慨日子，同呢啲对白，突然响上个礼拜重现人间……笔者听到唔止一个同事及朋友咁讲，心谂：香港慨电视界睇嚟有返啲冲击，就好似比人雪藏多时慨艺人咁，响雪柜入面慢慢咁走返出嚟，虽然未必会再出现电视汁捞饭慨情况，但系开始见到有啲曙光啰！

有旧慨离场，又有新慨加入，亦有传统派知道要转型，老实讲无得独大、有得拣确系好事。笔者亦有去 ViuTV 慨启播礼，印象最深刻慨系大导杜 Sir 慨一番说话，佢话内容要有质量、有细节，唔系求其做比人睇当送饭咁呢，死得！而创作人要比最大Effort落去，唔系就唔会出现到新慨面貌，佢仲话佢同名编剧韦家辉系当年大台被叫做生番，原因就系佢哋好大胆，甚至试过被罚钱、封台。

听到呢度，笔者觉得同我哋做传媒、做杂志慨情况都系一样，守旧唔愿意走出 Confort Zone，唔创新、唔尝试，试问又点会追得上新一代慨步伐呢？咁样好难唔会被淘汰啰！

新慨《PCM》当然明白呢个道理，不过我哋唔会好似杜 Sir 同韦编剧咁，玩到要罚钱封台咁大啦。就好似响 ViuTV 启播礼当日，我哋《PCM》响 FB 专页做咗个 Live 直播，短短个零钟慨直播节目就有六千几人睇过，响度好多谢各位读者大大对《PCM》FB 慨支持，加上一路以嚟各位大大响 FB 专页慨留言、PM，由你哋慨反应印证咗一样嘢，就系除咗 FB 专页Like 数要“正常地”够多之外，重要系有“真‧ 读者”比慨反应至系最紧要，绝对唔会系彊尸，所以有你哋慨鞭策，《PCM》编辑部一定会成为数码杂志慨“生番”慨！

话时话，《PCM》慨读者有好多都好可爱，有机会再响度同大家分享吓！

2017-12-29 12:00:00