FacebookLive再进化实时Filter+画公仔
报价宝综合消息FacebookLive再进化实时Filter+画公仔
自从 Facebook 推出 Facebook Live,不论旅行唱 K 食饭搭车都会见到有人开直播(当然在下只留意到女神开 Live 啦);而 Facebook 亦加入更多新功能,除咗留言可以畀一系列心心同嬲猪样之样,仲加埋实时 Filter 同 Doodle 功能,等大家玩直播玩得更开心更多 Fun。

依家用户只能够畀“Like”朋友慨直播,但迟吓更新后就可以喺直播时,用一系列Reactions表情回应,啲心心呀Wow样呀仲会变成动画,即时显示喺直播影片上,睇落有少少似17咁。另外就算迟咗翻睇直播,Facebook都会照旧重播留言,增加大家现场感。

最好玩慨系,迟啲Facebook Live会加入五款滤镜,例如黑白、复古等等,大家可以一路直播一路玩效果;仲可以玩埋Doodle画画,同唔同颜色写下字画吓画,女神画吓心心写我个名就好啦!(FF Mode)

Facebook 亦将会喺桌面版推出 Facebook Live Map,根据地点集合直播方便搜寻;手机版亦会加入搜寻直播影片功能。

群组同活动都将会支援Facebook Live,亦可以喺直播中途邀请朋友加入。以上各项新功能将会于未来几星期陆续推出。
