走入山崎蒸馏厂日本威士忌之旅
报价宝综合消息走入山崎蒸馏厂日本威士忌之旅
![]()
图、文：如果我们的语言是威士忌
有饮酒慨朋友相信最近一定有留意到日本威士忌，依个喺过去几年连连夺得国际大奖慨亚洲新星绝对唔得浪得虚名。但香港个价炒到咁贵先去追真系冇乜谓……不如衬日元汇率低，亲身去揾啲特别野饮啦！
“识饮一定系喺间厂度饮。”有冇咁易呀？原来又真系做得到噃！飞关西慨廉航愈开愈多，而位于京都同大阪之间约半个钟头车程慨山崎蒸馏厂，除左可以俾大家了解一下靓酒系点样做出黎，亦都可以用一个平到夸张慨价钱、试到好多高年份甚至系出面冇得卖慨限量版！（不过要留意返，由于山崎太过出名啲导赏团经常爆满，所以最好提早去官网预约。）
山崎 25 年一杯围返都唔使 200 蚊港纸，平过香港几倍；仲有唔少酒标都冇，不对外发售慨限定款！
除左酒厂之外，大阪梅田亦系寻宝好地方：SUNTORY 直属既慨 Whisky Shop W.，除左有时会推出该店限定慨特别版，亦有好多同日本威士忌有关慨周边产品；而 SUNTORY Whisky House，就有好多用旧威士忌木桶重新制作慨家俬同摆设。
几十蚊一杯既 Single Cask 山崎，全世界都冇其他地方揾得到。
好多木桶家俬都好吸引，如果唔系运返香港麻烦，我一定狂扫货。
如果你话想亲身体验一下日本既酒吧文化？SUNTORY 推出既搜索引擎 bar-navi 都应该会帮到你，认住モルト (malt) 同ウイスキー (whisky) 依两个字，我相信大家都可以跟地点喺你酒店附近揾到间心水酒吧！
限量推出的山崎 Single Cask，甚至轻井泽、羽生依啲传说级蒸馏厂都可能唔使 2000yen 一杯！
