【LGG5】360Cam+VR初体验

LG新一代旗舰机皇G5终于抵港，设计破格，玩模组式设计，有得拆电之余仲可以换上Cam Plus 相机模组同 Hi-Fi Plus with B&O PLAY 音响模组，加强摄影同音响效能。但除咗手机，一系列周边配件都相当吸睛，包括近期大热慨VR同360摄影机。

LG 360 CAM 同 LG 360 VR 系为G5而生慨配件（官方讲法系“LG Friends”）。360 CAM 外型设计有少少似 Ricoh Theta S，备有两个1,300万像素200°广角镜头，支援5.1环回立体音效的2K影片摄录。机身底部有USB Type-C插头及micro SD卡槽，另外亦具备4GB内置记忆空间。机身上有一颗实体摄影按钮，短按一下可以影360相片，长按则可以拍360片。

盖套可变作手柄。	机底有插卡位及USB C充电口。
可在手机 App 内选择摄录设定，最高可拍摄2K影片。	App 预设风景、运动等各种运动模式。
除了360度，也可以选择拍摄180度影片或相片。

想用手机睇埋画面，用家需要先透过G5内的“LG Friends Manager”App，再下载“360 CAM”APP，利用蓝牙与装置配对后才可开始操作。透过手机App，用家就可以选择用360或180摄影，预览拍摄画面；但选择360的话就只能拣睇其中一面镜头慨画面，冇得即时预览360效果，有少少不足。大家可以从女版主之前试玩的片段睇睇拍摄质素。

用360 CAM影完相拍完片，可以喺手机内睇返，亦可以用360 VR睇，仲可以Share上Facebook同YouTube。利用360 VR上慨USB Type-C线连接G5，就可以透过眼镜内慨130吋屏幕体验VR（Virtual Reality, 虚拟实境）效果。

眼镜算轻巧，重113g，分辨率639ppi，眼镜内镜头位可以调整对焦，不过要除低先可以调较。有埋鼻托位戴上后都算舒服，长戴都唔太夹头夹鼻，系睇得耐有少少头晕咁。除咗翻睇用360 CAM拍过慨片，用家亦可以透过“LG Friends Manager”App下载其他VR内容，测试时就有星体App“Solar System”，用VR效果睇住成个银河系都几壮观，见到唔识慨星体仲可以望实，上面就会出现小绿点，按一下眼镜右上方慨“OK”掣就会出面简介，我今日真系学到好多嘢呀喂。一对孖宝喺香港仲未有货，价钱都未有，等得好心急呀。