【追贴时镇哥】《太阳的后裔》网上煲剧7大实用贴士

韩国 KBS 播放中的水木连续剧（即逢星期三、星期四播放的剧集）《太阳的后裔》近期红爆亚洲，收视仲劲过《来自星星的你》，男女主角宋仲基与宋慧乔更预计将会于 4 月初来港宣传此剧。不论你系咪韩饭，都会留意到呢套新剧；以前要追韩剧就话辛苦又惊爆 Data，家阵唔使咁傻猪猪啦，想知点追就睇埋落去啦！

《太阳的后裔》剧情大致讲述由宋仲基饰演的特种部队中队长刘时镇，与及宋慧乔饰演的无国界医生之间的爱情故事。

1. Viu App 免费随时睇
以往追剧真系惨过追巴士，一星期追几次，要赶住返屋企开电脑追。家阵唔使咁辛苦，可以试下用 Viu App 睇，贪佢免费得嚟仲同韩国同步播放，就算喺街都有得睇，已经播到第 8 集啦喂！当然用返电脑上 Viu.com 都一样有得睇啦。

2. 韩国播放 4 小时有中字版
以前最辛苦系等字幕组翻译中文字幕，眼残者如在下又唔多识睇简体字幕，等繁体字幕等到天荒地老，有时等唔切唯有照睇韩文版估住剧情先。Viu App 就话会为《太阳的后裔》同另一大热韩剧《回来吧大叔》加速配上繁体中文字幕，由平时慨韩国播放后 8 小时，加快一倍至 4 小时，等大家追贴时镇哥最新发展。

3. 预设用 Wi-Fi 下载
煲剧又要悭数据，又唔使就住就住慨，可以喺 App 设定入手。Viu App 免费会员可以最多下载3集影片，每集最多存放7日，只要喺 App 设定度预设为“只限 Wi-Fi 状态下下载影片”，就可以悭返啲数据啦。

4. 开埋提示追贴更新
App 内设有“剧集更新提示”功能，记得开启埋呢个功能，咁每次有新一集上架就会收到通知，包保追到贴。

5. csl. 用户 $8 无限下载任煲
Viu App 目前除咗支流网上串流睇剧，亦可以下载剧集缓存收看，但免费会员就只可以最多下载 3 集。升级做付费会员后，就可以无限下载 1,080P 全高清影片，中间亦无广告。家阵csl. 同 1010 客户可以优先以每月 $8 升级，用 Wi-Fi 下载；其他用户亦可以于 2016 年第三季申请升级。

6. ViuTV 黄金时段都有得睇
除咗自己煲剧，可能爸爸妈妈细佬妹都想睇吓，但又唔系咁熟电子嘢，亦冇时间拎实部平板或手机煲。唔识惊，因为迟吓 ViuTV 4 月 6 号开台后，星期一至五晚上 8:30-9:30 黄金时段都会播放《太阳的后裔》同《回来吧大叔》，用数字电视接收 ViuTV 99 台就睇到，一于返屋企一齐食住饭睇电视，重拾家庭乐啰。

7. MV 主题曲有得煲
除咗大热慨剧集，又点少得 K-Pop 剧集歌曲。6 首剧集歌曲都有得喺 MOOV 度收听，包括 Davichi 主唱慨“这份爱”，等大家可以日 loop 夜 loop。