话说早几日有段片好红，话日本电视台用最新技术将邓丽君翻生，用全息技术将佢变成立体放出来同观众表演，个个见到叹为观止，开心 Share。
不过，事实又点会咁简单呢？邓丽君又点会咁轻易翻生，全息技术都出现左咁多年，又点会依家先有巨大进步呢？讲到底，呢个只不过系“投影”，即系你都可以做到。
先唔好讲有传媒概念不清，将“全息技术”当作做“AR”呢个极大的技术性错误，而系日本电视台口中慨“全息技术”系播出来慨电视画面入面，似乎完全唔系个回事，只系将“投影”配合“Chroma Key”，令电视观众觉得真一样。
睇慨时候感觉有啲怪，但讲唔出，直到求先 on9adget 出左啲原片比较即刻明哂，只能够讲，现场观场慨演技仲好过“中国好声音”个啲。
唔好讲咁多，先去片睇睇！
睇完呢条对比片，你明未呢？有无留意到啲角度？有无留意到原片及新片慨差别系边到？简单讲，如果系全息技术，拍摄角度不受限制，而且拍出来应该会见到有实物作为被投影物。
我地睇到慨电视版本好明显系将原片慨邓丽君裁左出来，然后再提升佢画面质素做左高清，而每一个原片慨交接位就用现场观众反应来过场，根本就系骗案，可怜系呢个最紧要快，最紧要爆慨年代，人人中伏。
好啦！咁到底咩系 VR、咩系 AR？咩系 VR 呢？而全息技术又系咩呢？下面同大家简单解释清楚。
首先，VR 即系你依家周街见到慨 HTC Vive、PlayStation VR 咁。用户要戴个头框，然后入左去个个虚拟世界，即系话用户入左去，就睇唔到现实世界做紧咩。
AR 就调转，系将现实世界放系手机、平板呢啲电子产品入面，然后你可以望到手机平板入面有啲野郁下郁下，个个就系 AR。
MR = VR + AR，即系你要戴个眼镜，而你望到现实世界，但眼镜上面又有消息弹出来，俾啲虚拟慨野你睇，感觉有啲似你去睇 3D 电影，你要戴左眼镜先睇到啲效果一样。
VR、AR、MR 三者有个共同点，就系要用户点都要拿住一啲电子产品先见到个效果，而全息技术就完全唔驶，呢个就系全息技术。
“全息技术”简单来讲系“投影”，不过“投影”系平面，而“全息技术”就系全形度慨投影，你系唔同角度睇到慨野都唔同，系立体慨，而且投影出来慨影像识得互动，就好似我地睇“美国队长 2”入面，一班神盾局高层开会时使用慨就系“全息技术”。
至于今次呢个邓丽君翻生，现场系唔系全息技术要系现场先知，但照电视画面睇只系一个“投影”+“Chroma Key 慨拍摄手法”。不过算啦！系一个要炒人先炒 IT 慨城市，呢啲技术野边有人理，算数罢啦！
【此文章刊载于 石先生部落；标题： 邓丽君翻生？它不过是“投影”+“Chroma Key 拍摄”，不仅不是“全息技术”，更别说是 AR；本篇文章为赞助内容；强制广告： HisTrend.HK 给你不一样的科技产品】
Shares 166
