掷公字又冇散银?Google大神帮到你
报价宝综合消息掷公字又冇散银?Google大神帮到你
一个人,力量其实好有限,到底食谭仔定麦记好?饮青岛定狮威好?拣 Mary 定 Ann 好?咁重要慨问题又话唔到事,咁紧系用最传统又最可靠慨方法去解决-掷公字。但作为生活喺大城市慨现代人,买嘢唔系用八达通就系畀信用卡,边有咁多散银呀?冇 1997 年版慨 1 蚊银点掷公仔呀?唔紧要,全能慨 Google 大神连呢样都帮到你!
话说 Google 搜寻最近加入一项新功能,喺 Search Bar 搜寻栏果度,用英文输入“flip a coin”(掷银仔),就会自动代你掷公字,既方便又快捷。除咗掷银仔,你仲可以试吓“play pacman”(玩食鬼)同“roll a die”(掷骰仔), 而且不论 Android、iOS 定系桌面版 Google 都可以玩到,随时随地都可以静静鸡蛇王开个食鬼玩吓。
另外,Google 大神仲加入一项新功能:查询动物叫声。你可以用英文问 19 种动物慨叫声,包括猩猩、猫、牛、狗、鸭、大象、马、狮子、驼鹿、猫头鹰、猪、浣熊、公鸡、绵羊、老虎、火鸡、乌龟、弓头鲸、座头鲸和斑马,例如搜寻:“What does the moose say?”就会出现驼鹿的真实录音,可惜仲未有狐狸,解答唔到“What does the fox say?”

