Samsung特务式表带真正“一指”接电话
报价宝综合消息Samsung特务式表带真正“一指”接电话
细个睇科幻特务片，见啲特工举起中…..唔系，系举起食指，按住个太阳穴，就可以有透视眼呀睇地图呀心灵感应呀乜乜乜，劲到核爆。寻晚 Samsung 预告下星期 CES 新品，竟然有款产品 TipTalk 都系特务式举起中指就可以听电话，唔通三叔已经掌握未来创新科技？
睇到 TipTalk 张构想图，差啲以为系乜嘢特务片剧照。原来 TipTalk 系一条表带，放上 Gear S2 等任何智能手表或传统机械手表上，再如图举起手指放上耳边，就可以用手指取代耳筒或耳机，听电话听得清清楚楚，有埋隔音降噪效果咁话。TipTalk 仲可以连接手机，支援文字转语音功能，啱晒钟意用 Voice Message 倾计慨人，唔好阻我 text 你悭 data，你要听声你自己听饱佢。
