【忘记密码冇问题】Google研免密码登入
报价宝综合消息【忘记密码冇问题】Google研免密码登入
啲网络保安专家话,要安全就唔好所有 Account 用晒同一组密码,密码组合仲要有数字有大小楷英文又有符号,之但系大头虾人士要记一组长密码已经够痛苦,边记到咁多嘢呢?Google 大神就帮到手:唔用密码登入咪得啰。
![]() |
![]() |
![]() |
![]() |
话说有网民就获得 Google 神召,测试新慨登入系统,登入 Google 账户时,只需要输入电邮地址,唔使输入密码;然后系统会 Send 一封通知讯息到阁下手机,确认你系咪喺电脑登入,然后选择返电脑屏幕上显示慨数字。当然,如果手机唔喺手边,你都可以随时用返密码去登入。
虽然唔使输入密码,不过登入程序就同平时网上银行用慨双重身份认证类似,需要阁下经手机再确认,先可以登入。唔使输入密码除咗方便大头虾者记少样嘢打少几只字,亦可以防止网络钓鱼导致密码外泄。一旦手机遗失或被盗,都可以用另一部装置登入账户,然后喺装置活动管理中移除遗失装置的账户存取权。呢套免密码登入法暂时都仲系测试阶段,只有被选中慨小孩先有份试用,亦未知几时会正式推出,大家想用都唯有等下先~
来源:Reddit

