限量1,200部：宝马M3CS正式推出！

消息来源:baojiabao.com 作者: 发布时间：2026-02-01

报价宝综合消息限量1,200部：宝马M3CS正式推出！

文：Tony Lam

为旗下型号推出限量特别版永远有价有市，既然 M4 CS 成功，无理由唔出 M3 CS，宝马当然深明此道！有钱揾唔通唔要？先前觉得 M4 CS 得两只门唔方便的住家型男，今次 M3 CS 唔买仲等几时。

宝马 M3 早已是车坛神话，不论任何年代车型喺车迷心目中都系咁正，今代 M3 所配用慨 3.0 升直六双 Turbo 引擎，可发出 425 匹，静止加速至 100 公里只要 4.1 秒，性能绝对与不少跑车睇齐。不过，马力慨嘢冇人嫌多，所以厂方亦不断加推不同版本，每次加少少马力，卖贵少少，车迷又买得欢喜，何乐而不为。

所以，继早前 M4 CS 挑起晒班车迷条根后，M3 CS 今天亦正式推出，继续以轻少少、快少少、贵少少再加埋限量发售呢条方程式打造。动力依然系 3.0 升直六双 Turbo，不过马力就去到 454 匹，峰值扭力 600 Nm，静止加速至 100 公里 3.9 秒，成功突破 4 秒大关，亦令 M3 CS 成为历来最快 M3。外型方面，原来慨 M3 已经相当爆肌，Man 到震，所以 CS 版本只见到少少改动，头泵把下面可见多咗条碳纤头唇，尾翼同尾喉再进取啲，四只 Michelin Pilot Super Sport 轮軚分别系前 265/35 R 19 及尾 285/30 R20，确保时刻都可以紧咬地面，四百几匹马力唔会浪费。车厢就可以见到 Silverstone / Black 双色真皮配 Alcantara，轻量化 M Sports 桶椅及M Sports 軚环等。不过，宝马只会造 1,200 部供应全球，香港到时返到几部真系唔知，有心买好应该早啲去代理落订。

2017-12-20 06:02:00