北京公厕有Wi-Fi、ATM仲有汽车充电座！？
报价宝综合消息北京公厕有Wi-Fi、ATM仲有汽车充电座！？
公厕一般畀人慨印象都系污污糟糟、阴阴暗暗、一地水迹，可能仲会联想到好多衰嘢……乜都有啦。但最近就有场“厕所革命”，唔系小记自己作出嚟，而系中国大陆官方定慨。话说上个月系“世界厕所日暨中国厕所革命宣传日”，北京为响应，就喺房山区起咗个创新设计慨公厕，叫“第 5 空间”，仲劲过第四度空间。
|
|
第 5 空间据指系第五代公厕（唔好问前四代系点），除咗有基本慨厕所同淋浴间之外，仲有 ATM 自动柜员机、手机充电座、电动车充电座、智能资源回收筒（智能在于回收完废物后，会送返张电子优惠劵畀你）、Wi-Fi、自动贩卖机等等，喂唔好讲笑，真系吸引到好多本地人同游客特登去参观架，据讲仲有人特登留低睇埋厕所里面播放慨环保教育短片添架！而且公厕本身都融入环保概念，用洗手盆回收慨污水嚟冲厕，节约用水。听落好高科技呀，第日要痴免费 Wi-Fi 唔止去咖啡店啦，去公厕啦！
来源: 北京房山政府网站
