Tap&Go预付MasterCardiOS都用得首次登记送$50吸客

HKT 推出早前 Tap & Go“拍住赏”专用 SIM 卡，将手机变成电子钱包，不过因为要配合NFC 功能使用，只受 Android 用户玩，未有 NFC 功能慨 iOS 用户只能望门兴叹。但唔紧要，因为今日起，Tap & Go 推出埋实体卡，喺所有 MasterCard Paypass 感应器上啪一啪都一样可以畀钱，连接 iOS 手机 App 后等于 iPhone 都用到；仲不限你用咩台，就算非 csl. 及 1O1O 用户都一样可以用。

要申请 Tap & Go“拍住赏”，就要准备定三宝：身份证、手机电话号码同住址证明，然后去香港电讯、csl. 及 1O1O 各专门店，入好晒资料、签个名、验证埋身份，就可以免费登记拎卡。张卡属预付卡，外表同信用卡非常似，一样有 16 位卡号码、CVC 验证码、到期日同签名栏，仲有芯片同 QR Code，但就冇卡主姓名。之后再下载专用慨 iOS 或 Android App，就可以即时当电子钱包咁用，睇到余额、交易纪录、优惠 QR Code 等等。

成个登记过程都唔算耐，不过填好多个人资料，登记又填开 App又填，净系身份证号码都入不下三次，真系填到女版主头都大埋。每个人凭一个身份证号码，最多可以申请五张 Tap & Go 卡。而首次申请服务，其 Tap & Go 账户就可获赠 $50；但同一身份证号码名下第二个登记慨号码，就冇得送啦。

Tap & Go 其实同 MasterCard PayPass 类似，不论系 SIM 卡定实体卡，都一样可以喺所有接受 MasterCard PayPass 慨商户，拍一拍读卡器就畀到钱。畀钱慨时候唔一定要开住手机App，亦唔需要使用数据。不过要记得，张卡有MasterCard Logo 喳，但并唔系信用卡，要先去香港电讯、csl. 及1O1O 各专门店或 7-Eleven 增值，亦可以申请用大新银行信用卡增值，之后先可以用。

下载完 Tap & Go App，首次登记时都要再输入个人资料，同扫描卡背 QR Code 进行配对。

服务主要同零售商户合作提供优惠，例如 759 阿信屋嚟紧星期五就会有 6688 折，而 PCC 买咖啡就减 $5。

有人问，咁同八达通有乜分别呀？除咗方便 iPhone 用户使用流动付款，Tap & Go 亦伙拍多间零售商推出优惠，包括 759 阿信屋、太平洋咖啡等等，付款时出示手机上的 QR Code，就可以获得优惠，唔记得带会员卡都得（不过就要带埋 Tap & Go 卡啰）。Tap & Go 也设有“拍还拍”功能，可以透过 NFC 过数畀另一个电话号码慨账户，食完饭同 Friend 夹钱就可以唔使数神沙。另外张卡可以用嚟网上购物，概念同你去买点数卡雷同，都系预付卡；只要网购平台接受 MasterCard，就可以用嚟网购，就算你冇信用卡都可以轻松网购咁啰。不过Tap & Go 只接受 18 岁以上人士申请，未够秤的话都系要谂办法。

安全性方面，用户可以自行透过 App 密码，保护手机钱包同交易纪录；网上付款同实体卡功能亦可以随时关闭，万一唔见咗张卡，都可以立刻停止张卡慨功能，减少损失。