IT佬的浪漫自制程式自动请假、覆客、冲咖啡

消息来源:baojiabao.com 作者: 发布时间：2026-05-06

报价宝综合消息IT佬的浪漫自制程式自动请假、覆客、冲咖啡

几时都话，IT 佬系不可多得慨人才，上至天文下至地理，冇嘢系IT人唔识搞唔掂。最近网站 Github 就出现咗一单真人真事，俄罗斯程式员离职之后，留低一堆自创慨程式码造福后人，原来佢多年嚟将工作上大大小小慨事都一一编写程式，自动化完成，上至覆个客email下至冲杯咖啡，都在弹指间完成。呢啲咪科技改善生活啰，创科局要好好借镜啦。

据讲凡系要超过 90 秒去做慨事，呢位天才程式员都会写一条程式去将程序自动化。如果佢过咗 8:45am，都仲未登入公司系统的话，系统就会自动 Send 封 Email，由一系列预设理由中拣一个“今日身体不适 / 有事需在家工作”，自动请假；呢个程式命名为“Hangover”，即宿醉。另外，如果超过9pm都仲未登出系统，系统亦会由预设借口中随机拣选一个，Send 个 Message 畀老婆，话佢知今晚夜收工；程式名为“Smack-my-bxxch-up”，well，即系星巴我条女。

除咗屋企慨麻烦女人，公司慨麻烦客人佢都写咗个程式，当侦测到阿客慨 Email 入面有“Help”、“Trouble”、“Sorry”等关键词时，就会自动连去数据库畀返最新慨 Backup佢，然后自动回复Email：“唔使担心，下次小心啦。”阿客叫Kumar，个程式就叫“kumar-axxhole”。

最绝慨系，天才 hack 入公司部咖啡机，写咗条冲咖啡程式，等 17 秒后指示咖啡机启动冲杯 Latte，再等 24 秒后倒落杯；时间前前后后加埋，啱啱好相等于呢位程式员由个位行去咖啡机慨时间。得奖程式叫“fxxking-coffee”。呢啲咪效率啰。

来源: Github

2017-12-31 05:50:00