PC都玩到PS4!土制RemotePlayappforPC本周释出
报价宝综合消息PC都玩到PS4!土制RemotePlayappforPC本周释出
用 Mouse 同 Keyboard 打 PS4 Game,系唔少玩家慨目标;以往要咁做,就需要喺 PC 上用 Android 模拟器,但以后可能更方便,因为有开发者土制开发咗一个 Remote Play app for PC,预计今个星期内会正式公开推出。不过,专业慨嘢唔系免费架,开发者讲到明会收费,预计大约 10 美元左右。
Remote Play PC 由开发人员 Twisted 负责编写,由 2014 年 10 月起开始一直努力到依家,终于有成果,成功将 PS4 游戏串流到 PC 上,可以用 Keyboard 同 Mouse 当控制器打机,仲有埋片添。虽然,稳定性同延迟率都成疑,不过都已经系一大突破啦。
至于点解要收费,Twisted 就话,佢过往慨 Apps 都系免费开放畀大众下载,但毕竟要揾食,佢已经花咗大量时间同心机喺 Remote Play PC 呢个 App,希望大家多多支持,等佢可以全情投入开发工作,继续增加功能,提升稳定性,同埋支援更多平台咁话。不过,始终个 App 未经官方授权,Sony 会唔会出手打压仍然系未知之数,课金前都系睇定啲好。
来源: Twisted

