【唔识英文都得】美酒店首创emoji叫RoomService
报价宝综合消息【唔识英文都得】美酒店首创emoji叫RoomService
去旅行慨时候，每次要打电话畀 Front Desk，都好似重新经历紧会考英文 Oral 考试咁，会脸红心跳流汗，“Hello from the other side～”但讲足十分钟，柜台姐姐先知你只系想要多枝牙刷。美国酒店 Aloft Hotels 就善用科技，推出 emoji 客房服务，想叫 Room Service？Send 个 emoji 畀柜台姐姐就得。
Aloft Hotels 率先在纽约曼克顿慨 Aloft Manhattan Downtown 推出 emoji Room Service 服务，未来会扩至旗下欧洲及亚洲的其他酒店。Emoji room service 提供 6 项服务，包括地铁卡及地图、牙刷牙膏及剃刀（如果阁下有去过美国旅行可能会知道，大美帝国慨酒店系唔兴提供牙刷牙膏等物品慨）、止痛药连两枝维他命水同香蕉（话醒酒用㖞）、零食、电话充电器，以及神秘礼品（据指有太阳眼镜、扭计骰等等）。收费方面由 10 蚊至 30 蚊美金不等，一啲都唔平，不过酒店 Room Service 仲要唔使阁下开金口，Send 个讯息讲埋边间房，就有专人直送到房门，系有啲代价慨。除非阁下英文好似 Tree Gun 博士咁好啫，唔系下下要打去柜台都咪话唔大压力架。
