开篷宝马3系玩流动Spa，浸住揸车烧埋鸡翼问你服未！
报价宝综合消息开篷宝马3系玩流动Spa，浸住揸车烧埋鸡翼问你服未！
文：Tony Lam
虽然之前都见到有人将部车个车尾改装做泳池，但讲紧慨系车尾，系揸到去某地方之后浸或者一个人揸车一人个人喺后面浸，但好似今次咁玩到揸住车浸按摩池泡泡浴，就真系第一次见。
所讲慨喺 YouTube 频道上以出位改装闻名慨 Colin Furze，今次新搅作就系将一部 1989 年开篷宝马 3 系改造型流动 Spa 车，而 Spa 位置即系个装水位系部车慨车厢，即系浸住水揸车，相当夸张。Colin 成功加入装置令车内的水可造成按摩池效果之余，车尾厢部分更被改装成烧烤炉，成件事系可以一边揸车一边浸浴加烧鸡翼，真系完全九唔搭八，但又真系俾佢谂到，难怪条片短短几日已经有二百万观看次数，果然厉害。
来源：colinfurze
