小米彩虹干电池卖点系……

消息来源:baojiabao.com 作者: 发布时间：2024-06-14

报价宝综合消息小米彩虹干电池卖点系……

人类已经阻止唔到小米慨野心啦！小米慨产品五花八门，继 Segway 平衡车之后，今日又再有新产品：干电池。你冇睇错我冇打错，唔系充电池，系干电池，AA 笔芯电。今次小米干电池名为彩虹 5 号，物如其名有彩虹色，初步相信同彩虹糖无关，卖点系乜？一齐睇睇官方点讲。

1. 颜色分辨新旧电池
呢粒彩虹色吸唔吸引就见仁见智啦，不过官方就认为唔同慨颜色，可以方便用家分辨新旧电池，唔怕将旧电池捞乱新电池嚟用，听落好似几方便。至于用嚟衬色啦㖞……咳咳，放喺电器入面，衬乜色真系重要咩？

2. 电量更强劲
彩虹 5 号采用日立 Maxell 电池核芯，并加入钢壳拉伸专利技术，小米指电量比普通碳性电池更高，官方测试用即影即有开埋闪光灯拍照，可影多 450 张相，不过就冇讲明系同边款电芯比较。

3. 七年之痒唔漏电
相信唔少人都试过电池放得太耐搞到漏电，小米就话彩虹 5 号加厚全钢外壳，采用二次刻线封口技术，增加卷边强度，令电池密封不易漏电，可在正常温度（摄氏 20 度正负 2 度）、正常湿度（60% 正负 15%）的情况下，存放 7 年。官方仲话电池底部设有安全闸，防止短路，唔惊爆炸咁话。（编按：又会知大家惊爆嫁呢…）

4. 一个字：平
最后一个卖点对大家嚟讲可能冇乜吸引力，一盒 10 粒慨彩虹 5 号干电池定价 9.9 人民币，连埋透明储存盒乙个。平唔平？唔要求著名品牌慨话，同样价钱香港都买到。不过讲咁耐，香港小米官网都未有得卖，有得卖唔知又有冇人买？

2017-12-31 14:00:00