报价宝综合消息AppleWatchHermès系列香港开卖盛惠万二
Apple Watch 自推出以来一直都受潮人追捧，月前仲同法国名牌 Hermès 联乘，推出皮革三款表带，今日正式在香港上架，三间 Apple Atore 及中环 Hermès 都有得买。不过话晒系奢侈品牌， Hermès 皮革选料有保证，加埋法国人手制作，价钱梗系有返咁上下。最平慨 Single Tour 38 mm 表壳款式就已经要 $8,888 大元，42 mm 表壳要 $9,288；Double Tour 只有 38 mm 表壳，定价 $10,088；而最注目慨 Cuff 款更加盛惠 $12,088。但系毕竟仍然比 Apple Watch Edition 平一大截，为咗爱马仕，你可以去到几尽？仲有，唔好以为有钱就有得买，因为 Cuff 款暂时喺各大 Apple Store 都未有现货，Double Tour 都唔系只只色有货，听精灵讲最好卖系 Bleu Jean 蓝色表带，襟睇襟衬。想买就趁手啦！
| 试戴 Cuff 款表，粗身皮表带再配埋 42 mm 表壳，手腕纤幼少少都承托唔起，女生可能真系要试一试效果先好买。如果谂住买一款嚟送畀爱马仕小姐，建议拣返 Double Tour 或 Single Tour 一类 38 mm 表壳款式。 |
