【励志故】前员工12蚊美金买起Google.com

消息来源:baojiabao.com 作者: 发布时间：2024-05-04

报价宝综合消息【励志故】前员工12蚊美金买起Google.com

话说 Google 一直都有开放 Google Domains 畀大众买域名，有位 Google 旧员工误打误撞，喺网上买起 Google.com，而且都不过系 $12 美金喳！冇错系 $12 美金！一旧水港纸都唔使，就可以拥有科技巨头慨域名，威一分钟都好？

呢位名叫 Sanmay Ved 慨仁兄曾经于 Google 工作 5 年几，系 Google 慨忠实员工，所以日前上去 Google Domains 睇睇有咩域名可以买时，都好自然咁 Search 埋 Google.com。又点知，当时系统显示为“绿色笑哈哈”，即系有得买，仲要收费只系美金 $12 一年。交易出乎意料地顺利，成功之后，Sanmay Ved 收到 Google.com 方面慨确认电邮，但内容同平时慨完全唔一样（佢未有透露详细内容）。而且，佢慨 Google Search 控制界面仲自动更新变成网络管理员慨界面，可以管理 Google.com 域名相关慨讯息，网站拥有人易手时仲会收到通知添。

完成交易后，Sanmay Ved慨Google Search控制界面自动更新为网络管理员慨界面。

Sanmay Ved 当然好兴奋，如果要为呢场梦加上一个期限，应该会系一分钟，因为一分钟后 Google 就取消交易，表示域名已被登记，同时向 Sanmay Ved 退回 $12 美金。Google 方面仍然未清楚事件原故，但表示未发现任何异常，暂时未知是因为 Google Domains 出现漏洞抑或公司忘记为域名续期。等在下都积极啲留意下有冇啲咪记.com 呀、苹果.com 呀等等，喂曾经有一分钟拥有世界百大企业个网络，几型呀～

来源：Sanmay Ved linkedin, Business Insider

2017-12-31 23:00:00