【八达通换卡】5个换卡必知事项

“嘟！”香港人无理由会对呢个声陌生。香港地人人有张八达通卡，是常识吧！今日八达通公司就公布咗第一代租用版八达通免费自愿更换计划，合资格持卡人可以去“八达通服务站”换，但并唔系人人都有得换。想知道自己有无得换、点换、有咩好坏处，就要留意以下5 点！

1.  分辨第一代租用版八达通
八达通表现全港现时仍有 200  万张卡，占全部卡慨 7%，第一时间梗系要睇下自己系唔系其中一分子啦。第一代租用版八达通卡上只有 8 个数字，而最尾个 Number 系无括号慨，而第一代八达通系有分为租用版同销售版，租用版即系喺出售或发行果阵，卡入面已经有 50 元按金。

2.  要睇清系咪个人八达通
第一代租用版八达通都有分为普通卡同个人卡，两张卡喺换卡程序上有些少分别。普通租用版八达通持卡人只需要喺“八达通服务站”完成所有程序就搞掂换卡，而个人租用版八达通持卡人就需要喺八达通网页上登记咗，先可以喺“八达通服务站”进行换卡，要留意喺拎咗新慨卡后，仲要插张新卡入部机度将资料更新。同时，旧卡会作废，亦攞唔番架。

3.  查下边个港铁站有“八达通服务站”
八达通公司将会摆设“八达通服务站”喺全港十个港铁站，包括炮台山站、柯士甸站、奥运站、 太子站、 深水埗站、乐富站、将军澳站、葵芳站、大窝口站及屯门站。而且会安排八达通大使喺“八达通服务站”旁边帮大家换卡，所以唔需要怕唔识用“换卡机”。

4. 新卡支援NFC
旧卡一直都配合唔到 NFC 功能，换左新卡后就可以用手机上慨八达通 App，查阅最近 40 个交易纪录，以及网上付款。钟意上网买野慨朋友就一定要换番张用到 NFC 慨八达通卡！（好似淘宝果啲～）

5. 小心处理资料转移
八达通除咗畀钱之外，仲有好多服务，好似八达通日日赏、屋苑门禁系统、全月通、学生优惠等等。果啲服务都可以系换卡时做好资料转移。但大家乐 Club 100、城巴及新巴全日票、九巴全日通、停车场时租及月租服务、港铁泊车转乘计划、新渡轮月票及假日来回票，以上服务就未能够喺换卡时做到资料转移，持卡人需要 Keep 起换卡慨收据，拎番去有关服务慨铺头再次申请，就可以将资料转移。而八达通公司就同大家讲，唔需要担心资料外泄，公司要将资料保密。