地上最Tough咖啡机
报价宝综合消息地上最Tough咖啡机
去到工地做嘢，咖啡瘾发作点算好？呢部CoffeeBoxx就系专为Tough到爆炸、仲要系污糟到爆炸慨地盘大佬们而设计，佢防水防撞防尘（影片入面仲防爆），一插电，自动煲水，内置可换式水箱容量有成2.5L，仲要有埋滤水器，真系跟足咖啡迷要求。
咖啡粉使用标准的K-Cup胶囊，人人都可以自选口味，按一下掣只需要大约90秒就有得饮。而且仲有独立热水出口，隔邻条友想冲杯板蓝根都仲得。
一部CoffeeBoxx只系12磅净重，同个中型冰箱差唔多大，有大大个手挽同埋六个扣位，放响重型车辆或机械入面都可以绑到实。用唯一麻烦就系电，美国嘢行120V，响香港用就要揾只大火牛至掂。
呢部CoffeeBoxx其实都系来自Kickstarter的成功项目，家阵售价系USD249.99（大约系HKD1,950），唔计运费及火牛的话，其实唔算贵。希望佢地会拓展吓外国市场啦。
