【长爆Data有得救？】WhatsApp或增LowDataUsage功能

自 WhatsApp 加入 Voice Message 及打电话功能后，不少人的数据个个月都打爆，一嚟方便，Message 太长就索性用口讲觉得快过打字（当然亦有人当系对讲机咁拎住系咁讲不亦乐乎）。二嚟 WhatsApp Call 更系 Data 陷阱，事关你以往想打俾呀细 B，可能系 WhatsApp 一揾佢个名，笃一笃佢个电话就会 Call 到佢，但依家就预设变成 WhatsApp Call，唔为意的话好容易用多咗 Data 都唔知。

有网民指，WhatsApp 在最新的 v2.12.5 iOS Beta 版本中，加入“Low Data Usage”功能，主要针对减低 WhatsApp Call 的数据流量。据指，新版本的功能描述中列明：“启用此功能有助于使用 VoIP 通话时，减低网络或 Wi-Fi 数据用量。不过，所谓 Beta 版只在网上流传，官网上的 iOS App 仍然只维持 v2.12.4 版本，未知到正式推出时新功能有冇得留低呢？ 

记者实试将 10 秒的 Voice Message 内容转用语音输入法再 Send一次，只需约 1-2 秒就准确转换整段内容，而且中英皆可。	于对话设定内，取消于使用手机网络数据时自动下载多媒体，就可以避免耗用大量流动数据下载相片、影片及声音档。

Voice Message 食数据？语音输入快靓正
题外话，要 WhatsApp 悭 Data，其实唔一定要“加个功能”先做得到，你都做得到架！以 Voice Message 为例，Send 一句约 10 秒的 Voice Message，已经需要约 41KB 的数据。相反，使用手机内置的语音输入法（iOS 为 Dictation），即 Keyboard 上的麦克风 Icon，而非 WhatsApp Message 对话框旁果个。

阁下同样只需对住手机讲野，毋需打字，就可以将内容自动变成文字讯息；经测试后同样 10 秒的内容，只需 225byte 数据量，连 1KB 也不到！既悭到 Data，又有齐 Voice Message 慨优点，仲唔怕对方投诉唔方便听录音，一举三得，It seems like fun！编辑部测试过，不论 Android 定 iPhone，Voice To Text 都算准确，就算讲得快少少，只要唔系 Rap 住去慨速度，都一样 Detect 得到。

此外，阁下亦可以在“设定”＞“对话设定”中，将“自动下载多媒体”选项，设置为只于  Wi-Fi 连接才自动下载，手机数据可全部取消，咁就可以自己话事下载边啲相同影片，悭返啲数据啦！最后仲要提提大家，双方同样在香港时，经手机联络人打“真电话”俾佢，而非 WhatsApp Call，一般嚟讲通话质素较稳定，又节省数据量，最紧要帮对方悭数据流量丫嘛～

图片来源：techpp.com