金星人买玩具，识得买一定买呢艘。
报价宝综合消息金星人买玩具，识得买一定买呢艘。
对住响金星的有钱金星人嚟讲，百零万买汽车当玩具唔算得系乜，买游艇就唔系咁够，要畀多啲至有话题。家阵有件玩具只系大约 140 万港纸，买咗佢，九成九有得见报赢曝光。
家阵香港 140 万买到乜，应该可以买到好多嘢，不过买唔到楼。咁既然系买玩具，梗系有咁嚣张得咁嚣张至好玩，机会嚟啦飞云，家阵美国军事企业 Lockheed Martin 正出售一般曾作试验用慨军舰 Sea Slice，买咗就一定赢得全球传媒关注。
Sea Slice 系一艘采用 SWATH（Small-waterplane-area twin hull，小水线面双体船）设计的船只，优点系减少海浪对船体的影响，即系更加稳定啦。当年美国海军用佢嚟做试验舰，标准排水量为 180 吨，长 32 米，阔 17 米，最高时速达 30 节（大约 56 公里），以船嚟讲算系几高速啦，当年做价高达 1,500 万美元，家阵标价 18 万美元，跳楼大平卖啦。
当法拉利林宝坚尼都几百万仲要排队至买到，买艘军舰当游艇用，系咪巧威威先？（笑）
船尾平台大到几十人开P跳晒舞都冇问题。
驾驶室又型又先进，问题系：要请几多船员至够呢？
消息来源：Yachtworld.com、Wikipedia
