【PCM实测】一千蚊有找买新版WestoneUM1入门心动之选

身边有朋友知道笔者有试开不同耳机，近日都有不少问题：刚刚入门应该点拣先好？佢地都有个共通点： Budget 都系一千楼下。呢个情况之下，其实市面上都有唔少好选择，好似 Shure 215 呢款大路嘢。不过今日笔者想讲慨系 Westone 新推出的 UM 1。

新版 Westone UM 1 有咩咁特别？

以 Westone 呢个品牌嚟讲 UM 1 呢个名绝对称得上系经典，早喺 2006 年就推出过 Redesigned 版本。今年再推呢个同名耳机又点会净系“食个名”咁简单呢～今次新的 UM 1 系首次加入咗 MMCX 可换线设计，对于有心想继续玩个耳机的朋友仔来讲，要配呢种单针头的耳机线就更加易揾到选择。而且成只耳机设计都变得更细，对于女性用家来讲就更加好戴啦！用来送畀女友就更一流（首先你要有⋯）。耳机一定要讲单元，好唔好声真系几睇呢粒野。今次的新 UM 1 用咗一粒全频动铁单元，令到高中低呢三个频段都有不俗慨表现（坚唔坚？睇埋我实测咪知）。

MMCX 单针头方便大家日后玩得更 Pro 更易揾线换

细细只最啱女仔戴~

讲到口水都干之后即刻同大家实际试下效果 ！今次就为大家用左平井坚的《R&B》、Adele 的 《25》同埋杨雪菲的《Cavatina》来考下呢只耳机，DAP 就拣上音响新贵 ATC 的 HDA DP-20 。真系要讲一句，“好抵 X”！以一只入门级价钱的耳机，无论系低音的纯厚，中音的起伏同推力的大小上都已经表现好好，唔睇个价真系以为自己听紧接近 $2,000 的耳机。男声方面，平井坚一向把声唔算得上好厚，但用呢只耳机听完就会觉得多咗一份纯同扎实的感觉。女声上，天后级 Adele 的高音大家都会知道有几正，系 UM 1 的表现下，高音唔系一味得个尖字，多左一种圆滑的感觉，唔会听到刺耳。到左纯音乐，呢首古典吉他《Cavatina》系 UM 1 的表现下，可以好易听到手喺弦线上滑动同离开弦线呢啲细节位，而且成个感觉都好真实好有现场感，直头就系我面前弹畀我听咁。当然啦，UM 1 都唔系好到“天上有地下无”，的确呢对耳机啲声够厚，但系高音的输出就会有啲去唔尽的感觉，有时仲有啲局促。不过都系个句啦，入门级价钱你想点？畀你一来就买到对“晓飞”的仲得掂？！

基本规格：

单元：1 × 全频动铁单元
频率响应：20Hz – 16kHz
灵敏度：114dB SPL@1mW
阻抗：19Ω
隔音：25dB

联络：Thinking Group （ 2955 1000 ）
售价：$899