美游系列点睇Finals

大家睇紧呢篇“编者话”慨时候，编者又飞咗去 San Jose 喇， 今次搞乜？咪系 Apple WWDC 慨开发者大会啰。今年 WWDC 转咗场去 McEnery Convention Center，编者系第一次去呢度，至于 Keynote 除咗 iOS 11、macOS 10.13、watchOS 4、tvOS 呢一系列OS嘢之外，传得好劲话会有 10.5 吋 iPad Pro， 亦会有 new MB、MBP 甚至 MB Air 慨 Update，系真系假记得留意《PCM》FB 同网站喇！

话时话，NBA Finals 正式开打，梗要起身睇吓 Game 1 啦（其实系编者仲 Jet Lag 紧，开波前两个几钟已经眼光光喇……），又系 CLE vs GSW，今年系佢哋呢三年慨第三次 Finals 对碰，之前每人赢咗一次，而呢场 Game 1 GSW又以22分之差慨大比数赢咗头一场， 今年 GSW 有 Durant 加入，阵容明显系再强咗，加上有几个人轮流 Mark实 LJ， 搞到大帝都打得几辛 苦，话虽如此，不过唔好唔记得波系圆慨，旧年 GSW 就以 3：0 大好形势底下，连输四场而饮恨……

呢对就系编者好 Like 慨 Flight Bonafide，希望今次入到手啦！

可惜，今年编者都系无机会落场…睇波喇，响酒店睇就有份，咁唯有买返对篮球鞋以示支持啦！编者上次去 SFO慨时候就睇中咗呢对响 All-Star Games 曝光慨 Nike Flight Bonafide，系编者嗰时至爱慨大眼仔 Zoom Flight 95 慨鞋底，配以袜筒鞋身，美国 5 月中已卖街，香 港暂时仲未有声气，编者试着过系正慨，但唯一要考虑 系后面个拉链扣行路时会“吊吊揈”，可惜上次无码，睇 吓今次入到“脚”无啦!

PS. 上期叫大家 Pre-Order 慨翻译神器 ili，编者嗰晚都预订咗一支，不过当开卖时睇清楚啲 Spec 就真系有被 Fake 慨感觉，首先原来 ili 系无广东话慨，只支援国语，另外佢竟然系唔可以双向翻译慨，咁得我讲完人哋知我想点，到人哋覆返我时咪又系鸡同鸭讲啰！其实 ili 搞 Early Bird 都唔算平，只系本着试新嘢慨精神买支玩吓咁啰！