日游系列孖车新“片”法

呢期“日游系列”又讲返啲玩慨嘢先∼话说今次东京返嚟，见到好多同事响公司齐齐片车，系呀！系片车呀！不过唔系片真车，而系 Switch 只 Game《Mario Kart 8 Deluxe》啫，只要一开局，啲同事就算唔落场都会企晒响后边围观，编辑部即时变咗个 Play Room 咁，劲热闹呀！

讲真，一出 Switch 嗰时，编者都劲想入手，但当时忍住忍住，事关最想玩慨《Mario Kart 8Deluxe》要 4 月尾至出，到 4 月尾咁啱出 Trip 去东京，原本想响嗰边入手，顺便买埋只 Game 玩住返香港，但同事话港行价正常返唔洗特登响东京买，所以又无入到手。

一玩《Mario Kart 8 Deluxe》啲感觉即刻返晒嚟，唔通今次真系会毒到我…

见到大家咁沉迷《孖车》，编者都真系把持唔住……黐返几铺嚟打啦，典知唔玩尤自可，一玩呢……嗰时打 NDS 慨肉紧感觉涌返晒出嚟，当然咁耐无打系有啲生疏咗慨，同埋无以前咁灵活喇，但系嗰种紧张刺激法，仍然坚系令人玩得咁投入！睇嚟编者好快就忍唔住入手 Switch 㗎喇…

话时话，响香港有《孖车》片，查实编者响日本都见到真人版慨《孖车》㖞，系呀！系真人版呀！

呢间叫 MariCar 慨日本租车公司，旧年 2016 年头开始提供服务，佢哋会借出 Mario 慨服装比车手，然后揸住架 Kart 车响东京旺区慨街道上行走，见到车队时真系觉得自己响只 Game 入面咁呀！佢哋仲会不时同途人挥手，当正自己真系 Mario 呀！

由于 MariCar 有好多 Mario Kart 慨元素，连个名都同简称相近，旧年 9 月任天堂就提出过一次商标取消慨申请，几个月后被驳回；到今年 2 月尾，任天堂再入禀东京地方法院，控告 MariCar 涉嫌侵权，以为会搞到佢哋要停止服务啦，不过结果系 3 月初任天堂再被驳回，MariCar 继续营运。

相信有好多读者去日本玩时都见过 MariCar 慨车队，家阵甚至变成日本街头特色咁 2017-12-25 05:00:00