【场报】M记激活唔到令脑场机都出唔到？！
报价宝综合消息【场报】M记激活唔到令脑场机都出唔到？！
话说今日 Funky 仔行过新开果间地铺，睇见卖 Notebook 同平板慨店员愁眉不展，咁梗系问佢咩事啦，点知佢话 M 记唔畀佢卖嘢㖞？原来佢话呢几日所有 Win 10 个激活都有问题，就连亲生仔 Surface Pro 4都一样！有啲系要等几个钟先得，有啲直头罢工咁滞，虽然明知道唔系机问题都要换货退货，于是佢索性唔卖机住企系度咁话…
Funky 仔当然即刻问可以打上去 M 记问下吖，点知佢话人地剩系识叫佢跟返屏幕指示做，真系关公都救佢唔到咁话。其实 Funky 仔都好同情呢位店员，事关问过其他几间铺都异口同声话呢段时间激活 Win 10 确系有问题，不过就无试过完全激活唔到咁惨烈，究竟 M 记近排搅紧乜家伙呢？其实 Funky 仔果日都系要砌机，结果当然系麻烦啲都装返个 WIN 7 稳阵啦！
