台游系列做个小车手

消息来源:baojiabao.com 作者: 发布时间：2026-08-08

报价宝综合消息台游系列做个小车手

今次系“台游系列”慨第二篇，玩完 IG 印相，又系时候讲吓啲亲子嘢先！

仲记得旧年 12 月中，《50tips》有一期系讲“亲子乐游台湾”慨题目，入面介绍咗好多台湾亲子慨好去处，今次编者去高雄，当然都有揾呢啲地方去啦，而行程住慨第一间酒店，就系台南慨“Hotel Cozzi 和逸台南西门馆”，同上次“兰城晶英酒店”有啲似，都系有电动小跑车比小朋友揸慨，不过 Hotel Cozzi 就唔系走廊当马路，而系集中响 4 楼一个好大慨室外平台度玩，小朋友可以排队等揸车，兜完一个圈就到下一位。

未识揸车慨唔紧要，有呢款遥控车，坐上去等你阿爸阿妈揸就得㗎喇！

有样嘢几得意，就系呢度有小朋友自己揸慨电动小跑车，但竟然仲有啲系可以遥控慨电动小跑车，呢啲遥控车系比年纪细啲未识转弯同踩油门慨小朋友坐慨，坐咗上去后，阿爸阿妈就揸住个遥控器跟响后面操控架小跑车，等佢可以坐吓顺风车兜吓风咁；唔单止有电动小跑车，呢度仲有号称全台湾唯一慨亲子小火车可以坐，围住外圈行又会捐山窿，大人仲可以陪小朋友一齐坐；如果唔啱玩车，呢度仲有沙池同喷水池玩，肯定小朋友乐而忘返呀！

揸完车又可以坐吓小火车兜吓风，爽呀！

唔好以为 Hotel Cozzi 净系顾住有小朋友慨 Family 㖞，查实呢间酒店仲有个特色，就系有全台湾唯一慨“XBOXONE 主题客房”，系呀！真系有部 XBOX ONE 游戏机摆响房比你任打㗎！主题客房有两层楼，全部用晒绿色墙，好易认！编者住咗两晚普通房楼层，但见到有唔少后生仔女住 XBOX 楼层，一 Pair Pair 咁攞住啲 Game 出䢂，又有得换 Game 打，真系打到天昏地暗唔使出房门口半步呀！最啱几个 Fd 一齐闭门练功打餐饱，唔爆机唔退房！

其实呢间酒店并唔系新开，睇返啲介绍开业咗两年有多，但编者觉得确系几有谂头，唔止啱小朋友玩，连钟意打机慨年轻人都啱，而且酒店慨整体服务、地点周边、设施配套等都好唔错，嗱嗱嗱……唔系卖广告㗎！唔信慨就自己去试吓啦！

2017-12-25 08:15:00