镜头靓到唔使执？ig女神Lilian实测iPhone6s自拍原味相

消息来源:baojiabao.com 作者: 发布时间：2026-02-10

报价宝综合消息镜头靓到唔使执？ig女神Lilian实测iPhone6s自拍原味相

iPhone 6s一出，大家最关心慨，始终系今日到底炒到几钱，香港人嘛，明慨！但对好似我呢类真心用家嚟讲，除咗“睇得到”慨新功能，好似3D Touch、Live Photos之外，到底重有乜嘢改进呢？机我就用咗3日咁大把，对用家嚟讲，个人觉得最大分别系速度，Touch ID灵敏到你再睇唔到锁定画面，喺后台运作慨App亦更稳定，另外，机身用咗7000 series aluminum造，唔止攞上手更扎实，外国已有强人挑战好似上一代咁，徒手屈爆机，但结果今次呢部点都屈唔烂，最终要2个人、4只手先勉强整弯咗！

系咪好奇怪讲咁耐都未讲重点呢，鬼咩~又有Lilian又有自拍，我惊一写完呢句你哋即刻唔睇字，所以点都讲多少少心得嘢先。下面Lilian会即试6s个新自拍镜头同埋新功能，到底正唔正过6？自己睇下！

text-Nam photo-Lilian、Nam

iSight升级摄力惊人

唔到你唔信，iPhone个iSight镜头，从来都系得嗰800万像，但拍摄能力却竟然系无数Android旗舰机王慨假想敌（讲紧呢堆机王几千万像素上落），并且有信心到可以搞“Shot on iPhone 6”企划，唔少机王影相始终冇iPhone咁靓，当中有咩秘密，大概得Apple先知。6s将iSight镜头由800万升级至1,200万像，可以话终于跟上时代，摄力自然值得期待，另一样系前置自拍镜（FaceTime HD镜头），亦由120万提升至500万，简直系自拍成瘾慨妹猪福音。到底升级有冇大改善？我又揾咗老友兼女神Lilian试，佢试完相当满意，睇完片就睇相啦！

先睇张iPhone 6自拍，原相分辨率系960×1,280

，感光系最大问题，背景光晒，搞到Lilian有啲蒙咗，色水唔实净。不过，影到咁样，再用ig搞搞都可以即变1张靓相。

至于新机呢，原相分辨率上到去2,576×1,932，虽然表情唔同，但自拍位置系一样慨，明显睇到颜色同对比系赢几班，而且近睇发丝会更有立体感，白色毛衣慨质感出晒，Lilian面色又正常啲，个嘴又够红卜卜，唔使执相啦！

趁机试埋，如果暗位会点呢？睇呢张相，会系咁，收货啦。

再试Retina Flash

6s亦加入利用Retina屏幕替selfie补光慨Retina Flash功能，用前镜自拍时，屏幕会变成全白光，影落就似有打灯效果，效果系点呢？

呢张冇用到Retina Flash，系Lilian喺近乎冇光慨室内环境影（好啦，其实系洗手间影慨）。

之后佢开Retina Flash，即刻睇番个样，可见个功能都几有用。不过就要留意，太黑都系对唔到焦，好似呢张相咁。

最后睇埋主镜头方面，缩图（左：6／右：6s）睇落冇大分别，但尺寸由以往3,264×2,448变成4,032×3,024，所以张相个容量都会大咗。

放大几百倍闻相，就会见到明显分别，左边一样系6，右边系6s，睇花掰边缘位一目了然。

落架都可以keep住玩！红爆17 APP 5大女神你要FOLLOW

严选10大日本人最爱波鞋最受欢迎竟然系…？！