【场报】星战7《原力觉醒》3D三碟版Blu-ray杀到
报价宝综合消息【场报】星战7《原力觉醒》3D三碟版Blu-ray杀到
如果唔系星战电影，咁样出碟法肯定俾人闹爆；如果阁下唔系星战迷，根本唔会有意欲再买多一次，讲紧既系星战7《原力觉醒》，事关 2D Blu-ray 早在上年中已经推出，好多人已经买咗，当时巴顿已经觉得奇怪为何唔出埋3D版，势估唔到事隔差唔多成九个多月先再出 3D 版 Blu-ray，令到一众先前已经买咗 2D 版慨粉丝又爱又恨。
如果只系多一张 3D 版 Blu-ray 可能未必有咁大吸引力，但今次三碟版 Blu-ray 除有齐 3D 及 2D 版外，更多了一张有新增内容慨附录，其中除咗有齐去年四月 2D 版 Blu-ray 所有慨附录外，更新增咗多个制作访谈及特辑，星战拥趸想要完整收藏呢套电影慨台前幕后花絮，呢个版本其实系唔可以错过慨，问题系到目前为止迪士尼仍未宣布旗下电影推出 4K Blu-ray 慨计划，巴顿认为到其时迪士尼宣布推出星战电影慨 4K Blu-ray 版本时，各位拥趸肯定又要再买多一次，经济，就系要咁样推动慨！
