BestMusicinTown

Clockenflap 2016 今晚正式开锣喇!讲紧系上个礼拜五慨事（但笔者仲写紧编者话呀…），一连三日响中环海滨举行，今年阵容继续强劲，好似有陈绮贞、ChemicalBrothers 呢啲国际级巨星，而香港代表有卢凯彤、鸡蛋蒸肉饼、…HUH!?、朱凌凌等等，仲有好多讲唔晒！旧年笔者最后嗰日去咗，可惜今年去唔到，唯有响度“啃”吓啰！

查实 Clockenflap 之后，今个礼拜仲有一单劲嘢，讲紧慨当然系乐坛年度盛事慨“MAMA 亚洲音乐大奖 2016”啦！由 2012 年开始响香港搞，今年已经系第 5 年喇，今次 MAMA 2016 都会响亚洲多个地区有直播，香港当然都唔例外啦！今年就会响 ViuTV 睇到成个颁奖礼，当日下昼 5 点网上版会有红地毡直播，戏肉会响傍晚 7 点开始，ViuTV 慨网上版、App 同数字电视都会直播颁奖礼，所以入唔到场唔紧要，事关无论系响屋企、响街或响 公司，都一定可以睇得到㗎!不过比较可惜慨系，今年 YG Entertainment 已经讲明旗下慨歌手唔会参与MAMA，咁咪即系今年实见唔到 BIGBAND 慨 GD、TOP、太阳…仲有 2NE1、iKON 佢哋啰……

讲开音乐，出年 2017 年 1 月会见到两个外国殿堂级音乐单位，先有 1 月 14 号开 Show 慨 Bryan Adams，笔者返学嗰时成日都 Loop 住佢首 《（Everything I Do）I Do It For You》㗎，其实 Bryan Adams 已经唔系第一次嚟香港，93 年嗰次嚟香港笔者都有去佢慨记招，可惜攞唔到签名，今次睇吓有无机会啦！

另一队系 Heavy Metal 班霸 Metallica，响 8 月出咗新碟《Hardwired…To Self- Destruct》，仲会嚟香港开Show，日期系迟 Bryan Adams 唔够一个礼拜慨 1 月 20 号，香港慨乐迷等咗呢日好耐喇，终于有机会响香港欣赏到呢队班霸现场演出《Master of Puppets》。

话时话，Metallica 个组合 Logo 深入民心，佢哋近排仲特登搞咗个网站，可以比乐迷将自己个名整到 Metallica Style 咁款，睇吓下面我个名就见到系点，呢个系纯正官方出品，粉丝一定要试吓！