小米出新旗舰Note2连影帝都撑？
报价宝综合消息小米出新旗舰Note2连影帝都撑？
每逢小米在推出新手机之前，向来都擅搞“小动作”，就是说炒热话题等大家提高兴趣。今次小米打算于月底推出传闻已久的旗舰大芒新机小米 Note 2 ，更请来大家好熟识的影帝级人物助阵，真系估你唔到！
有亲笔签名，仲话同大家见面聊，唔知呀朝伟试用紧小米 Note 2 未呢？
其实早个月于微博上面，早已流出传闻中新旗舰小米 Note 2 的相片及规格，例如像 Galaxy S7 Edge 或 Note 7 般使用双曲面 2K 分辨率屏幕、采用 Snapdragon 821 处理器、内置 6GB RAM 及双镜头，仲要有 4,000mAh 电池等等，都几多“黑科技”在其中。我谂唔少朋友都想睇睇呢部小米 Note 2 几时出，而较早前小米就正式发出邀请函，宣布会在 10 月 25 日于北京大学体育馆举行发布会，更指明系“小米 Note 2 双曲面发布会”，咁新机有双曲面绝对走唔甩啦！不过最爆慨系，影帝梁朝伟竟然在邀请函上面现身，仲写到明“与梁朝伟见面聊”，连靓仔朝伟都比面，睇来小米 Note 2 都几令人期待咁㖞！
