SonyA6300网上预售，HK7,990买唔买得过？

如果大家希望买一部又轻又爽的无反相机作为日常使用，最新推出的 Sony A6300 可说是其中一个好选择。集合 4D Focus 对焦技术、11fps 高速连拍、4K 高解像摄录于一身的 A6300，在拍摄及摄录方面都提供相当极致的体验，拍摄运动题材又得，帮小朋友拍摄成长片段亦得。

A6300 净机身卖 HK$7,990，有人可能会话点解唔直上 full frame？老实讲，A6300 在对焦、连拍、拍片、重量方面都比入门 full frame 优胜，原厂又有电 zoom 镜，拍片效果更好。而且 A6300 又有内置闪灯，如果不是用来接高要求 job，其实 A6300 可能更适合一般摄影爱好者日常使用。当然，如果“世界上已经无野可以阻止你买 full frame 机”的话，咁你当睇唔到呢部机算喇！

点解 A6300 贵 A6000 咁多？两部机既型号只系差一个数字，所以有人误会左佢地系同级，但 Sony 话 A6300 系高一个档次既型号，千其唔好搞错呀！首先 A6300 个 sensor 同 A6000 系完全唔同架㖞！A6300 粒 CMOS 线路以铜质代替铝质，配合 BIONZ X 处理器，最高感光度提升至 ISO 51200，而且高 ISO 表现亦都比 A6000 好好多，识货的话一定会留意呢样野。连拍大家都系可以做到 11fps，不过 A6300 就有更先进的 4D Focus 对焦技术以及 425 点相位对焦点，Live View 既遮黑同埋显示都有所改良，对焦及追焦反应更接近高阶单反。再加上 4K 拍片、S-Log 伽玛录影，以及 Full HD 120fps 慢动作，都系属于高阶既规格。“不用分那么细，因为他们都是叫 A6_00。”识影相既你应该唔会咁谂挂？

好啦，如果大家想 make sure 第一时间买到 A6300，又想拎埋个优惠，就不妨去 shop@dcfever 网上店登记预售，成功登记可以免费获得 Sony ACC-TRW 电池套装及 Sony LCS-SL10 相机袋（价值 $950），更可于 17/3 优先取机！

Sony A6300 网上预售登记 by shop@dcfever