【坡游系列】初试Grab
今期终于可以开始讲吓新加坡慨嘢喇！不嬲响美国，编者都系用 Uber 去 Call 车，今次响新加坡，就梗系要试吓用 Grab啦！因为 Grab 响东南亚市场，包括新加坡、马来西亚、印尼、泰国、越南、菲律宾、缅甸同埋柬埔寨等地，都极受欢迎，唔止个 App 有好多用户，响好多当地慨 Play Store 同 App Store 都系 No#1 过一段时间，绝对系新崛起慨 Call 车 App，而且佢哋又有自己慨车队！4 月头，Grab 甚至话会收购部分地区慨 Uber，可想而知 Grab 已经系几有规模，风头有几劲吓！
讲返今次编者响新加坡就用过几次 Grab Call 车，感觉系车都算多，而且司机慨回应时间好快，同埋最重要系好短时间就会嚟到 Pick up，咁多次 Call车都系大约 3 分钟度架车就驶到面前，响酒店等 Grab 期间，连的士都无架埋嚟或驶过，所以用 Grab 仲快过等的士！
Grab 慨用法同 Uber 差不多，可以睇到边度有车、几耐嚟到、车程、司机等资料同埋比分。
连编者住慨酒店都有部 Grab 机响度，因为部机咁啱坏咗无得试玩，估计系比啲无装 Grab 慨住客可以 Call 车慨。
唔单止咁，编者今次有去 Singapore Flyer 坐吓全球头几位高慨摩天轮，去到一落 Grab 就见到“Grab Pick-Up & Drop-Off”牌楝响度，后尾问返，原来响呢啲旅游景点或者热门地点，都会有呢个 Grab 慨上落客牌响度，等乘客可以好方便咁响个 App 度揾到呢啲 Point 等车，另一方面，司机又可以直接去到呢啲 Point 接乘客，避免咗 Pick up 时互相左揾右揾慨情况，对乘客同司机都好方便。
老实讲，Grab 个 App 慨用法同 Uber 都系差不多，一样可以知道架车响边、架车几时嚟到、为司机评分、Share 行程等等，但就呢几次慨亲身使用体验，个人觉得比起 Uber（讲紧其他地方，因为无试过响新加坡用 Uber），由揾车至上到车成个 Call 车流程，系好流畅同快速，以后去新加坡玩，记得装定个 Grab 先喇！
