【超轻巧】太阳眼镜款VR装置
报价宝综合消息【超轻巧】太阳眼镜款VR装置
市面上一般慨 VR 装置都系头戴式设计，比较笨重，长戴亦会累。而大陆厂商 DloDlo 多哚就发布了一款太阳眼镜款的 VR 装置 V1，以轻巧为卖点，仅重 88g，比 470g 的 Oculus Rift 轻足足 4 倍。
V1 外型有如普通太阳眼镜，厚 16mm，重 88g，以碳纤维制造，保持轻巧纤薄的特点。虽然装置轻巧，不过分辨率依然达 2,400 x 1,200，每边眼像素密度超过 800PPI，刷新率 90Hz，加上色彩显示色域达 NTSC 72% 及 FOV 105 度，规格睇落又唔失礼，拍住大牌 VR 装置。
装置于 4 月曾于 IFA 上展出，近日于美国纽约亦再举行发布会，并计划将 V1 放于 Kickstarter 上集资发售，预计售价为 $559 美元。有外媒睇过呢款大陆设计超轻巧 VR 眼镜就觉得都唔错，话冇光漏，玩 XBox One 游戏亦冇 Lag（那只是一个头戴式电视嘛⋯），只系唔啱鼻形会滑落嚟，不过官方话可以换鼻托。唔知大家又点睇呢款设计？至于这个眼镜同其他手机和 VR 内容有几兼容，咁就要攞件实物嚟试下先至知啦。
