女生电竞革命专访GIRLSHK

早前 Jack 同一班 Game 友倾开偈，其中讲到“性别与打机”呢一个环节时，向呢堆朋友入面，十个九个都系咁样睇女玩家：

“唔得㖞！好渣啰！”
“好多都系三分钟热度，唔玩得耐！”
“我真系唔识得有边个女性朋友系打机打得叻㖞！”
“我女友一听到我话去打机呀，块面即时黑过包公呀！”

当呢堆负面评语系咁冲出嚟之时，Jack 就开始谂，究竟系呢几位男性朋友平日所讲慨男女平等其实只系得个讲字？还是打机上面，男生真系比女生有先天优势？呢个问题，从 GIRLS HK 当中或可以揾到答案。

GIRLS HK 的成立
GIRLS HK 系一队新组成慨电竞队伍，可以讲系香港史上首支全女班慨电竞队伍，由 Logitech HK 及 Cyber Game Arena 筹组，目前有 8 名成员，成员全部都系早前作公开召募当中选出，队伍专注于《League of Legends》（LOL，英雄联盟）。虽然成立咗唔耐，但 8 位队员都已经产生了默契，不过到目前为止仍未有进行过正式比赛。今次可说是 GIRLS HK 正式公开登场，同时跟本地电竞界发出宣布：Girls’ power is coming！

1 对 1 特训
从 8 位队员慨 Profile，都可以睇到有几个系拥有比较耐慨打机年资，技术上亦系有一定优势，为咗可以令到队伍各队员间能力慨鸿沟可以收窄，CGA 特别为每位队员提供 1 位教练，以传授打机心得，以及比赛慨注意事项，以期可以有效地提高 8 位女生慨技术之外，亦同时加强各人慨心理质素，尤其系抗逆能力。

其实点解会有组成 GIRLS HK 慨念头呢？
CGA 慨负责人 Ryan 表示，而家电竞圈入面都系男性比较多，但咁系唔系代表打机叻慨就一定系男生呢？Ryan 认为女生打机都可以叻，而家好多时好多打机叻慨女生都唔会话出嚟打比赛，一来系觉得自己唔及其他人，不过最大原因系冇乜机会；而且如果真系有一支全女子队伍出嚟打比赛，对观众来讲都系一件非常新鲜慨事，于是就萌生起呢个念头。

GIRLS HK 慨组成系由 Logitech 扯头缆，其实 Logitech 对呢队女子队有咩期望呢？Carol 表示由于 GIRLS HK 组成的时间不算长，要她们在短时间内交出成绩会有点不切实际。期望 GIRLS HK 继后可以打出成绩，进而吸引到更多 Game 迷参与电竞。

GIRLS HK 同大家玩问答大赛：
当然编辑都想知道佢地对游戏界有几认识，所以设计以下问题，试吓佢地，纯粹得个笑字～

加油打气
8 月 21 至 24 日，湾仔会展将会举行今年慨电脑节，Logitech 及 CGA 将会于会场同步举行第 2 届“e-Sports Festival Hong Kong”，介时 GIRLS HK 将会首次进行公开比赛，大家介时不妨入场睇下呢班巾帼英雌打成点！